Velkommen

Ulsteinmessa er eit arrangement for heile familien, og vert arrangert laurdag 8. juni 2024. Arrangementet er lagt til sentrum og rundt kulturalmenningen.
Over hundre nye bilmodellar vert stilt ut. I tillegg blir det auksjon, lotteri, musikkinnslag m.m.
Ulsteinmessa blei første gang arrangert i 2017 og samla om lag 3000 publikum. Både i 2018 og 2019 var det nærare 5000 innom messa. I 2020 og 2021 vart det dessverre avlyst pga pandemien! Men i 2022 var vi tilbake; større og betre enn nokon sinne! Og i 2023 vart det tidenes Ulsteinmesse. Vi gler oss stort til årets messe i 2024.
Arrangementet vert lagt til rette for heile familien og skal vere positivt for Ulstein og regionen.
Inntektene frå Ulsteinmessa går til Ulstein nye kyrkje, og vi vil også bidra økonomisk til at barne og ungdomsarbeidet i kommuna skal blomstre.

Program og utstillarar

Program Ulsteinmessa 8. juni 2024

11.00
Opning av messa v/Ordførar Stian Skorgen Scheide. Musikklaget ULF, Korklubben og Tween Sing opptrer. Bjørnis kjem 11.30!
11.30
BJØRNIS kjem!
13.00
AUKSJON
Ulstein Ten Sing opnar auksjonen.
Trekningar frå loddsalget og leikebilmessa rett etter auksjonen.
14.00
Allsang ved Benz´en
16.00
Program slutt
Nytt av året er vår eiga leikebilmesse– av barn, for barn. Alle barn som leverer inn ein liten leikebil får eit lodd og er med i trekkinga av ein splitter ny og stilig fjernstyrt bil, sponsa av rause Norli på Amfi Ulsteinvik. Alle leikebilane blir stilte ut på messa–før dei blir med Sunnmøre Folkehøgskule til Tanzania. Skulen arbeider i lag med YWCA Ilula og Ilula Orphan Program, og jobbar slik for å hjelpe barn og unge kvar dag. På Ulsteinmessa kan altså alle barn enkelt vere med og gjere ein forskjell.
Alle bilar som vert levert inn må sjølvsagt vere heile.
Det vert også høve til helikoptertur for dei som vil det.

Innsamling

Det er Nyekyrkjekarane som arrangerer Ulsteinmessa. Bakgrunnen er eit ynskje om å skape eit positivt engasjement omkring barne- og ungdomsarbeidet i Ulstein sokn. Med Ulstein nye kyrkje vil ein få gode og tenlege lokale for barnekor, speidar, ten sing, gudsteneste, kyrkjekaffi osv.

Inntektene frå Ulsteinmessa går til Ulstein nye kyrkje, og vi vil også bidra økonomisk til at barne og ungdomsarbeidet i kommuna skal blomstre. Om du ynskjer å bli fast givar, så klikk her for å bli kyrkjebyggar!

Kart over messeområdet

Det som er markert i raudt er der alle bilane vert plassert: på Kulturalmenningen, nedanfor Mix kiosken og langs A.Kleven bygget. Den grøne firkanten framfor Mjøl og Meir er scena.

Det er eit stort areal med plass til dei ulike utstillarane og aktivitetane knytt til Ulsteinmessa.

Kontakt

Kontaktperson for utstillarar
v/ Cato Voldsund
Brendehaugen 8
6065 Ulsteinvik

E-post: cato-vo@online.no